Otuke
BY DENIS OMIJI
Otela wi dul otino kwan ame yaa I Lango kan I ka pwonyere apapat me rwom amalo I te eryonget gi me LASA JOIN cuny gi ogung atek ikom koko ame lwak tye akobo ikom owote gi ni pe otye oworo rukuca a Purecident I tute me lweny ikom ideke me corona.
Cakere I apung ping me aryo onywali apol kede otela polere me gombola obedo cano adot adongo ikom otino kwan magi ame odwogo paci ni gin omaro longo ping atek dok nwongo tye aketo kwo gi kede mega otedero kan atek.
Adot man dang obin oweko otela me gombola Adwari kede Adwari taun kanycil ame tye I dictrik me Otuke okato kede otango I wii anywal ame bino weko atinere longo piny kun turo cik amako lweny ikom ideke me two corona.
Otela magi I wang cawa man tye anyamo tam atek me kato kede kit otango ango ame obino keto iwi onywal magi ame bino weko otino gi longo piny ata.
Morris Oteng ame obedo atela wii otin kwan man ite eryonget gi me Lango Students Association acecekere (LASA) okwao onywal me miyo otino magi tic me poto wek bed yot me gengo gi longo piny kede gwoko gi aber ikom ideke man arac woki.
Lobo wa me Uganda ikom kare ni tye ame odonyo I apung piny me nino 42 I yunge mako two corona ikom lwak jo apol ata kun weko purecident Yoweri Museveni keto apung piny.
Ripot dang tye atito ni lobo Uganda I wang cawa ni omako two corona ikom jo ame wel gi kato 40,000 kun jo ame orwenyo kwo gi I cing ideke man dong tye atuno 800 dok polere otimere I cabit anonok ame okato angec.