Kampala
Acoc :Lango Broadcasting Service (LBS) Radio Editorial
Dul adit ame bwoo peny ilobo Uganda man Uganda National Examinations Board (UNEB) otyeko moko nimano obino cwalo gini ooko adwogi peny me kilaci abiro(puramari) iceng abic me nino dwe 16 dwe me abiro mwaka 2021.
Min ot adwong lobo ame dang obedo Minister ame bwoo pwonyere kede tuku Mama Janet Kataaha Museveni en ame bino pugu icuban man iyi abila me ot ker Entebee iyika ame bino cakere cawa abic me odiko.
Awopere iripot a UNEB, Mama Janet Museveni tinini ceng adek obin orwate kede obembem me UNEB ame ngat otelo wii gi obedo aran adwong Dan Nokrach Odongo kun otite iyore iyore kite ame peny man otimere kede.
Abwoo keto keto lok pi dul me UNEB Jennifer Kalule Musamba ikwena mere bot wudi keto lok angea apapat ame en cwalo ooko iceng adek otyeno otitto nimano icuban man bino gwayo ka jo anonok keken pi gwoko cik me gengo nyaa ideke me two corona.
Kwena ame UNEB ocwalo ooko iceng adek otyeno.
Otino kwan aromo 74749,761 en ame obin otimo peny icukle aromo 14300 itwak ping lung me Uganda. Otino 395,855 obedo anyira eka 353,855 obedo awobe.
Kalule otito nimano adwogi peny me mwaka ni mito rorom aroma kede me mwaka okato ca.
UNEB nwongo myero cwal oko ooko adwogi peny man idwe me abicel ento ote bino coro oko anyim calo nyaa ideke me two corona obin oweko adwong lobo dok okato kede cik mogo me gengo nyaa ideke ni.
